kahan sambhalte hain bahte hue bahaw mein log

kahāñ sambhalte haiñ bahte hue bahāv meñ log

magar jo zaḳhm uThā.eñge is chunāv meñ log

tumhāre nīm-tabassum se saaf zāhir hai

ham aise maar diye jaa.eñ rakh-rakhāv meñ log

ye mere haq meñ lagātār bolte hue ab

kisī natīje pe pahuñche tire dabāv meñ log

dahak rahā hai abhī se ruḳh-e-ziyāñ-kārī

safar kā jā.eza leñge kisī paḌāv meñ log

kahānī jab kahīñ dhuñdlā ke naqsh khone lage

sarāpā dekh liyā karte haiñ alaav meñ log

tū apne vaqt kā yūsuf hai aur sar-e-bāzār

tujhe gañvā hī na deñ aise bhāv-tāv meñ log

kahan sambhalte hain bahte hue bahaw mein log

magar jo zaKHm uThaenge is chunaw mein log

tumhaare nim-tabassum se saf zahir hai

hum aise mar diye jaen rakh-rakhaw mein log

ye mere haq mein lagatar bolte hue ab

kisi natije pe pahunche tere dabaw mein log

dahak raha hai abhi se ruKH-e-ziyan-kari

safar ka jaeza lenge kisi paDaw mein log

kahani jab kahin dhundla ke naqsh khone lage

sarapa dekh liya karte hain alaw mein log

tu apne waqt ka yusuf hai aur sar-e-bazar

tujhe ganwa hi na den aise bhaw-taw mein log