kahan se DhunDh ke laun purane KHwab aankhon mein

kahāñ se DhūñDh ke lā.ūñ purāne ḳhvāb āñkhoñ meñ

koī manzar nahīñ Tiktā mirī sairāb āñkhoñ meñ

na nīñdeñ thiiñ na aañsū the na ḳhushiyāñ thiiñ magar tū thā

ki ab tū bhī nahīñ aatā hai in be-ḳhvāb āñkhoñ meñ

kisī bhī aa.ine meñ ab mirā chehra nahīñ dikhtā

mirā chehra nikaltā hai inhīñ betāb āñkhoñ meñ

jise tā'mīr kā Dar hai chalā jaa.e vo bin bole

jo haiñ tayyār sach ko vo raheñge ḳhvāb āñkhoñ meñ

dafa.a kar 'ishq kā charchā kahīñ tū bhī na bah jaa.e

abhī to bāñdh ke rakkheñ haiñ sab sailāb āñkhoñ meñ

kahan se DhunDh ke laun purane KHwab aankhon mein

koi manzar nahin Tikta meri sairab aankhon mein

na ninden thin na aansu the na KHushiyan thin magar tu tha

ki ab tu bhi nahin aata hai in be-KHwab aankhon mein

kisi bhi aaine mein ab mera chehra nahin dikhta

mera chehra nikalta hai inhin betab aankhon mein

jise ta'mir ka Dar hai chala jae wo bin bole

jo hain tayyar sach ko wo rahenge KHwab aankhon mein

dafa kar 'ishq ka charcha kahin tu bhi na bah jae

abhi to bandh ke rakkhen hain sab sailab aankhon mein