kahan se gai baat meri kahan ko

kahāñ se ga.ī baat merī kahāñ ko

yuuñ kahiye zabāñ de rahā huuñ zabāñ ko

chalā huuñ kī phir kuchh nayā maan pā.ūñ

hisār-e-yaqīñ Dah ke dasht-e-gumāñ ko

vajūd isti.āra hai nazm-e-jahāñ meñ

hai matlūb adam shā.ir-e-lā-makāñ ko

hai saaya giraftār-e-panja-e-ḳhurshīd

salāsil haiñ ham to ḳhudī ayaañ ko

havā azal kī girah khulne ko thī

uḌī nāḳhun-e-sham.a-e-hastī kahāñ ko

uThā dast-e-ātish-zada sā zamīñ se

dhuāñ shahr-e-dehlī kā phir āsmāñ ko

faqat merā aks-e-tasavvur hai ye sher

kabhī dekh is ā.īna-e-be-nishāñ ko

dil-e-ġhaflat-o-āgahī huuñ so chup huuñ

na pūchh is ġham-e-sabr-o-zabt-e-imtihāñ ko

sadaf-gard ḳhvāb-e-muhīt-e-ravāñ ḳhvāb

guhar-ḳhvāb ḳhvābīda chashm-e-nihāñ ko

kahan se gai baat meri kahan ko

yun kahiye zaban de raha hun zaban ko

chala hun ki phir kuchh naya man paun

hisar-e-yaqin Dah ke dasht-e-guman ko

wajud istiara hai nazm-e-jahan mein

hai matlub adam shair-e-la-makan ko

hai saya giraftar-e-panja-e-KHurshid

salasil hain hum to KHudi ayan ko

hawa azal ki girah khulne ko thi

uDi naKHun-e-shama-e-hasti kahan ko

uTha dast-e-atish-zada sa zamin se

dhuan shahr-e-dehli ka phir aasman ko

faqat mera aks-e-tasawwur hai ye sher

kabhi dekh is aaina-e-be-nishan ko

dil-e-ghaflat-o-agahi hun so chup hun

na puchh is gham-e-sabr-o-zabt-e-imtihan ko

sadaf-gard KHwab-e-muhit-e-rawan KHwab

guhar-KHwab KHwabida chashm-e-nihan ko