kahan talash karen naqsh-e-ashiyana koi

kahāñ talāsh kareñ naqsh-e-āshiyāna koī

ye shahr jaise baḌā sā hai qaid-ḳhāna koī

so apnī hijrat-e-paiham kā bas javāz hai ye

parinde DhūñDte rahte haiñ āb-o-dāna koī

ma.āl-e-ishq pata hai use magar phir bhī

talāsh letā hai har baar dil bahāna koī

ajab tilism hai jo vaqt kho gayā hai kahīñ

huā hai laad ke din raat ko ravāna koī

khile haiñ phuul sabā chaar sū hai mahkī huī

chaman se guzrā thā kyā husn-e-kāfirāna koī

kabhī to hazrat-e-nāseh bhī dil kushād kareñ

kabhī to mashvara deñ ham ko muḳhlisāna koī

ajiib log haiñ nīñdeñ ajiib haiñ in kī

jagā sakā na 'qamar' in ko tāziyāna koī

kahan talash karen naqsh-e-ashiyana koi

ye shahr jaise baDa sa hai qaid-KHana koi

so apni hijrat-e-paiham ka bas jawaz hai ye

parinde DhunDte rahte hain aab-o-dana koi

maal-e-ishq pata hai use magar phir bhi

talash leta hai har bar dil bahana koi

ajab tilism hai jo waqt kho gaya hai kahin

hua hai lad ke din raat ko rawana koi

khile hain phul saba chaar su hai mahki hui

chaman se guzra tha kya husn-e-kafirana koi

kabhi to hazrat-e-naseh bhi dil kushad karen

kabhi to mashwara den hum ko muKHlisana koi

ajib log hain ninden ajib hain in ki

jaga saka na 'qamar' in ko taziyana koi