kahani ho koi bhi tera qissa ho hi jati hai

kahānī ho koī bhī terā qissa ho hī jaatī hai

koī tasvīr dekhūñ terā chehra ho hī jaatī hai

tirī yādoñ kī lahreñ gher letī haiñ ye dil merā

zamīñ ghir kar samundar meñ jazīra ho hī jaatī hai

ga.ī shab chāñd jaisā jab chamaktā hai ḳhayāl us kā

tamannā merī ik chhoTā sā bachcha ho hī jaatī hai

sajā hai taaj mere sar pe lekin ye nazar merī

jo us kī samt jaatī hai to kaasa ho hī jaatī hai

jatan kartā huuñ kitne rok luuñ sailāb āñkhoñ meñ

magar tāmīr merī ye shikasta ho hī jaatī hai

ye sochā hai ki tujh ko sochnā ab chhoḌ dūñgā maiñ

ye laġhzish mujh se lekin be-irāda ho hī jaatī hai

jo hai 'fayyāz' us ko dekh kar mab.hūt hairat kyā

taḌaptī hai jo bijlī aañkh ḳhīra ho hī jaatī hai

kahani ho koi bhi tera qissa ho hi jati hai

koi taswir dekhun tera chehra ho hi jati hai

teri yaadon ki lahren gher leti hain ye dil mera

zamin ghir kar samundar mein jazira ho hi jati hai

gai shab chand jaisa jab chamakta hai KHayal us ka

tamanna meri ek chhoTa sa bachcha ho hi jati hai

saja hai taj mere sar pe lekin ye nazar meri

jo us ki samt jati hai to kasa ho hi jati hai

jatan karta hun kitne rok lun sailab aankhon mein

magar tamir meri ye shikasta ho hi jati hai

ye socha hai ki tujh ko sochna ab chhoD dunga main

ye laghzish mujh se lekin be-irada ho hi jati hai

jo hai 'fayyaz' us ko dekh kar mabhut hairat kya

taDapti hai jo bijli aankh KHira ho hi jati hai