aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kahani likhte hue dastan sunate hue

Saleem Kausar

kahani likhte hue dastan sunate hue

Saleem Kausar

MORE BYSaleem Kausar

    kahānī likhte hue dāstāñ sunāte hue

    vo so gayā hai mujhe ḳhvāb se jagāte hue

    diye lau se chhalaktā hai us ke husn aks

    siñgār karte hue ā.īna sajāte hue

    ab is jagah se ka.ī rāste nikalte haiñ

    maiñ gum huā thā jahāñ rāsta batāte hue

    pukārte haiñ unheñ sāhiloñ ke sannāTe

    jo log Duub ga.e kashtiyāñ banāte hue

    phir us ne mujh se kisī baat ko chhupāyā nahīñ

    vo khul gayā thā kisī baat ko chhupāte hue

    mujhī meñ thā vo sitāra-sifat ki jis ke liye

    maiñ thak gayā huuñ zamāne ḳhaak uḌāte hue

    mazāroñ aur muñDeroñ ke rat-jagoñ meñ 'salīm'

    badan pighalne lage haiñ diye jalāte hue

    kahani likhte hue dastan sunate hue

    wo so gaya hai mujhe KHwab se jagate hue

    diye ki lau se chhalakta hai us ke husn ka aks

    singar karte hue aaina sajate hue

    ab is jagah se kai raste nikalte hain

    main gum hua tha jahan rasta batate hue

    pukarte hain unhen sahilon ke sannaTe

    jo log Dub gae kashtiyan banate hue

    phir us ne mujh se kisi baat ko chhupaya nahin

    wo khul gaya tha kisi baat ko chhupate hue

    mujhi mein tha wo sitara-sifat ki jis ke liye

    main thak gaya hun zamane ki KHak uDate hue

    mazaron aur munDeron ke rat-jagon mein 'salim'

    badan pighalne lage hain diye jalate hue

    Source:

    duniya aarzoo se kam hai (Pg. 41)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now