kahani meri barbaadi ki jis ne bhi suni hogi

kahānī merī barbādī kī jis ne bhī sunī hogī

nazar meñ us ke ik tasvīr-e-hairat khiñch ga.ī hogī

satā lo jis qadar chāho adāoñ se jafāoñ se

qasam khātā huuñ gar hogī tumhīñ se dostī hogī

vafā ko bhī mirī hamdam jafā hī jo samajhte haiñ

mujhe ma.alūm hai ik din unheñ sharmindagī hogī

are nādān tujh ko kaash ye ma.alūm ho jaatā

ki terī dushmanī hī merī vaj.h-e-dostī hogī

bahāroñ meñ junūñ ne de diyā mujh ko yaqīñ itnā

mirī dasht-e-junūñ meñ bhī tumhārī rahbarī hogī

shikan bistar ke kahte haiñ marīz-e-hijr ko hamdam

taḌapne kī thakan se niiñd āḳhir aa ga.ī hogī

are 'shādāñ' mohabbat ke nirāle taur hote haiñ

jise tum husn kahte ho vo va.jh-e-be-ḳhudī hogī

kahani meri barbaadi ki jis ne bhi suni hogi

nazar mein us ke ek taswir-e-hairat khinch gai hogi

sata lo jis qadar chaho adaon se jafaon se

qasam khata hun gar hogi tumhin se dosti hogi

wafa ko bhi meri hamdam jafa hi jo samajhte hain

mujhe malum hai ek din unhen sharmindagi hogi

are nadan tujh ko kash ye malum ho jata

ki teri dushmani hi meri wajh-e-dosti hogi

bahaaron mein junun ne de diya mujh ko yaqin itna

meri dasht-e-junun mein bhi tumhaari rahbari hogi

shikan bistar ke kahte hain mariz-e-hijr ko hamdam

taDapne ki thakan se nind aaKHir aa gai hogi

are 'shadan' mohabbat ke nirale taur hote hain

jise tum husn kahte ho wo wajh-e-be-KHudi hogi