kahī kisī se na rūdād-e-zindagī maiñ ne
guzār dene kī shai thī guzār dī maiñ ne
mirī vafā huī ta.alīm-e-ḳhud-sarī tujh ko
tirī jafā se liyā dars-e-zindagī maiñ ne
hujūm-e-yās meñ barbādī-e-tamannā meñ
sadā-e-dost sunī hai kabhī kabhī maiñ ne
vufūr-e-josh-e-parastish ne kar diyā majbūr
kisī ko DhūñDh liyā bahr-e-bandagī maiñ ne
kabhī yaqīñ to butoñ ko ḳhudā banā Daalā
kabhī gumāñ to ḳhudā kī nahīñ sunī maiñ ne
gumāñ to nazr-e-ḳhirad kā.enāt kar Daalī
yaqīñ to vaqt kī raftār rok lī maiñ ne
girāñ nahīñ hai ye saudā ki dostī meñ tirī
ḳharīd lī hai zamāne kī dushmanī maiñ ne
kahi kisi se na rudad-e-zindagi main ne
guzar dene ki shai thi guzar di main ne
meri wafa hui talim-e-KHud-sari tujh ko
teri jafa se liya dars-e-zindagi main ne
hujum-e-yas mein barbaadi-e-tamanna mein
sada-e-dost suni hai kabhi kabhi main ne
wufur-e-josh-e-parastish ne kar diya majbur
kisi ko DhunDh liya bahr-e-bandagi main ne
kabhi yaqin to buton ko KHuda bana Dala
kabhi guman to KHuda ki nahin suni main ne
guman to nazr-e-KHirad kaenat kar Dali
yaqin to waqt ki raftar rok li main ne
giran nahin hai ye sauda ki dosti mein teri
KHarid li hai zamane ki dushmani main ne
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.