kahin na tha wo dariya jis ka sahil tha main

kahīñ na thā vo dariyā jis kā sāhil thā maiñ

aañkh khulī to ik sahrā ke muqābil thā maiñ

hāsil kar ke tujh ko ab sharminda sā huuñ

thā ik vaqt ki sach-much tere qābil thā maiñ

kis ehsās-e-jurm kī sab karte haiñ tavaqqo

ik kirdār kiyā thā jis meñ qātil thā maiñ

kaun thā vo jis ne ye haal kiyā hai merā

kis ko itnī āsānī se hāsil thā maiñ

saarī tavajjoh dushman par markūz thī merī

apnī taraf se to bilkul hī ġhāfil thā maiñ

jin par maiñ thoḌā sā bhī āsān huā huuñ

vahī batā sakte haiñ kitnā mushkil thā maiñ

niiñd nahīñ aatī thī sāzish ke dhaḌke meñ

fāteh ho kar bhī kis darja buzdil thā maiñ

ghar meñ ḳhud ko qaid to maiñ ne aaj kiyā hai

tab bhī tanhā thā jab mahfil mahfil thā maiñ

kahin na tha wo dariya jis ka sahil tha main

aankh khuli to ek sahra ke muqabil tha main

hasil kar ke tujh ko ab sharminda sa hun

tha ek waqt ki sach-much tere qabil tha main

kis ehsas-e-jurm ki sab karte hain tawaqqo

ek kirdar kiya tha jis mein qatil tha main

kaun tha wo jis ne ye haal kiya hai mera

kis ko itni aasani se hasil tha main

sari tawajjoh dushman par markuz thi meri

apni taraf se to bilkul hi ghafil tha main

jin par main thoDa sa bhi aasan hua hun

wahi bata sakte hain kitna mushkil tha main

nind nahin aati thi sazish ke dhaDke mein

fateh ho kar bhi kis darja buzdil tha main

ghar mein KHud ko qaid to main ne aaj kiya hai

tab bhi tanha tha jab mahfil mahfil tha main