kahin se aaya tumhaara KHayal waise hi

kahīñ se aayā tumhārā ḳhayāl vaise hī

ġhazal kā honā huā hai kamāl vaise hī

hamāre husn-e-nazar kā kamāl kuchh bhī nahīñ

to kyā tumhārā hai saarā jamāl vaise hī

tirā visāl ki jis taur mere bas meñ nahīñ

huā hai hijr meñ jiinā muhāl vaise hī

tirā javāb mire kaam kā nahīñ hai ab

ki maiñ to bhuul chukā huuñ savāl vaise hī

kahā ye kis ne ki uktā gayā junūñ se maiñ

paḌā huuñ dasht meñ ab to niDhāl vaise hī

uchhāltā hai jazīroñ ko jis tarah ai bahr

mirī bhī laash ko tah se uchhāl vaise hī

nikāltā hai tū jis taur raat se sūraj

hamārī shab se hameñ bhī nikāl vaise hī

kahin se aaya tumhaara KHayal waise hi

ghazal ka hona hua hai kamal waise hi

hamare husn-e-nazar ka kamal kuchh bhi nahin

to kya tumhaara hai sara jamal waise hi

tera visal ki jis taur mere bas mein nahin

hua hai hijr mein jina muhaal waise hi

tera jawab mere kaam ka nahin hai ab

ki main to bhul chuka hun sawal waise hi

kaha ye kis ne ki ukta gaya junun se main

paDa hun dasht mein ab to niDhaal waise hi

uchhaalta hai jaziron ko jis tarah ai bahr

meri bhi lash ko tah se uchhaal waise hi

nikalta hai tu jis taur raat se suraj

hamari shab se hamein bhi nikal waise hi