kahin shoala kahin shabnam, kahin KHushbu dil par

kahīñ sho.ala kahīñ shabnam, kahīñ ḳhushbū dil par

vo saman-bū hai bahar-rañg bahar-sū dil par

chaman-e-rūh se ḳhushbu-e-badan aatī hai

jaan par mauja-e-lab nafha-e-gesū dil par

dil ko ḳhud hausla-e-kār-e-fusūñ-sāzī hai

ki chalā thā na chalā hai koī jaadū dil par

lazzat-e-dīd ḳhudā jaane kahāñ le jaa.e

aañkh hotī hai to hotā nahīñ qaabū dil par

ye tahayyur hai ki nazzāra ki afsūn-e-jamāl

sāmne paikar-e-āhū ram-e-āhū dil par

is kashākash meñ kahāñ jaañ ke liye jā-e-amāñ

dil hai mehrāb-e-haram maiñ ḳham-e-abru dil par

jaañ tah-e-chashm ki yuuñ sair-o-tamāshā hī sahī

koī mahtāb nazar meñ koī mah-rū dil par

kahin shoala kahin shabnam, kahin KHushbu dil par

wo saman-bu hai bahar-rang bahar-su dil par

chaman-e-ruh se KHushbu-e-badan aati hai

jaan par mauja-e-lab nafha-e-gesu dil par

dil ko KHud hausla-e-kar-e-fusun-sazi hai

ki chala tha na chala hai koi jadu dil par

lazzat-e-did KHuda jaane kahan le jae

aankh hoti hai to hota nahin qabu dil par

ye tahayyur hai ki nazzara ki afsun-e-jamal

samne paikar-e-ahu ram-e-ahu dil par

is kashakash mein kahan jaan ke liye ja-e-aman

dil hai mehrab-e-haram main KHam-e-abru dil par

jaan tah-e-chashm ki yun sair-o-tamasha hi sahi

koi mahtab nazar mein koi mah-ru dil par