kahin wo surat-e-KHuban hua hai

kahīñ vo sūrat-e-ḳhūbāñ huā hai

kahīñ vo āshiq-e-hairāñ huā hai

kahīñ gul hai kahīñ bulbul kahīñ baaġh

kahīñ dard o kahīñ darmāñ huā hai

kahīñ mast o kahīñ hoshyār hai vo

kahīñ daanā kahīñ nādāñ huā hai

kahīñ ḳhaak o kahīñ baad o kahīñ aab

kahīñ vo ātish-e-sozāñ huā hai

kahīñ lafz o kahīñ ma.anī kahīñ harf

kahīñ pothī kahīñ qur.āñ huā hai

kahīñ nuur o kahīñ aiman kahīñ tuur

kahīñ muusā kahīñ imrāñ huā hai

kahīñ masjid kahīñ but-ḳhāna hai vo

kahīñ kufr o kahīñ īmāñ huā hai

kahīñ ḳhalq o kahīñ ḳhallāq-e-ālam

kahīñ zāhir kahīñ pinhāñ huā hai

kahīñ 'hātim' kahīñ jāñ-baḳhsh 'hātim'

kahīñ 'hātim' kā jā mehmāñ huā hai

kahin wo surat-e-KHuban hua hai

kahin wo aashiq-e-hairan hua hai

kahin gul hai kahin bulbul kahin bagh

kahin dard o kahin darman hua hai

kahin mast o kahin hoshyar hai wo

kahin dana kahin nadan hua hai

kahin KHak o kahin baad o kahin aab

kahin wo aatish-e-sozan hua hai

kahin lafz o kahin mani kahin harf

kahin pothi kahin quran hua hai

kahin nur o kahin aiman kahin tur

kahin musa kahin imran hua hai

kahin masjid kahin but-KHana hai wo

kahin kufr o kahin iman hua hai

kahin KHalq o kahin KHallaq-e-alam

kahin zahir kahin pinhan hua hai

kahin 'hatim' kahin jaan-baKHsh 'hatim'

kahin 'hatim' ka ja mehman hua hai