kahne sunne se meri unki adawat ho gai

kahne sunñe se mirī un kī 'adāvat ho ga.ī

jo na honī thī vo ġhairoñ kī badaulat ho ga.ī

roz aatī hai magar ik roz bhī aatī nahīñ

ai ajal tū bhī mire haq meñ qayāmat ho ga.ī

mere un ke ab kahāñ pahlā tapāk-e-āshiqī

chalte phirte mil ga.e sāhab-salāmat ho ga.ī

samjhe the dasht-e-junūñ meñ kuchh bahal jā.egā dil

dekh kar sunsān jangal duunī vahshat ho ga.ī

shakl dikhlātī nahīñ shīshe se aa ke jaam meñ

duḳhtar-e-raz tū to abhī se be-muravvat ho ga.ī

marg-e-āshiq kā 'abas hai sog har dam is qadar

chhuT gayā vo qaid-e-ġham se tum ko fursat ho ga.ī

fasl-e-gul aa.ī baḌhe josh-e-junūñ ke valvale

phir vah.y 'taslīm' apnī ġhair hālat ho ga.ī

kahne sunne se meri un ki 'adawat ho gai

jo na honi thi wo ghairon ki badaulat ho gai

roz aati hai magar ek roz bhi aati nahin

ai ajal tu bhi mere haq mein qayamat ho gai

mere un ke ab kahan pahla tapak-e-ashiqi

chalte phirte mil gae sahab-salamat ho gai

samjhe the dasht-e-junun mein kuchh bahal jaega dil

dekh kar sunsan jangal duni wahshat ho gai

shakl dikhlati nahin shishe se aa ke jam mein

duKHtar-e-raz tu to abhi se be-murawwat ho gai

marg-e-ashiq ka 'abas hai sog har dam is qadar

chhuT gaya wo qaid-e-gham se tum ko fursat ho gai

fasl-e-gul aai baDhe josh-e-junun ke walwale

phir wahy 'taslim' apni ghair haalat ho gai