kahte ho ittihad hai hum ko

kahte ho ittihād hai ham ko

haañ kaho e'timād hai ham ko

shauq hī shauq hai nahīñ mālūm

is se kyā dil nihād hai ham ko

ḳhat se nikle hai bevafā.i-e-husn

is qadar to savād hai ham ko

aah kis Dhab se roiye kam kam

shauq had se ziyād hai ham ko

shaiḳh o pīr-e-muġhāñ kī ḳhidmat meñ

dil se ik e'tiqād hai ham ko

sādgī dekh ishq meñ us ke

ḳhvāhish-e-jān shaad hai ham ko

bad-gumānī hai jis se tis se aah

qasd-e-shor-o-fasād hai ham ko

dostī ek se bhī tujh ko nahīñ

aur sab se inaad hai ham ko

nā-murādāna ziist kartā thā

'mīr' kā taur yaad hai ham ko

kahte ho ittihad hai hum ko

han kaho e'timad hai hum ko

shauq hi shauq hai nahin malum

is se kya dil nihad hai hum ko

KHat se nikle hai bewafai-e-husn

is qadar to sawad hai hum ko

aah kis Dhab se roiye kam kam

shauq had se ziyaad hai hum ko

shaiKH o pir-e-mughan ki KHidmat mein

dil se ek e'tiqad hai hum ko

sadgi dekh ishq mein us ke

KHwahish-e-jaan shad hai hum ko

bad-gumani hai jis se tis se aah

qasd-e-shor-o-fasad hai hum ko

dosti ek se bhi tujh ko nahin

aur sab se inad hai hum ko

na-muradana zist karta tha

'mir' ka taur yaad hai hum ko