kahte to ho tum sab ki but-e-ghaaliya-mu aae

kahte to ho tum sab ki but-e-ġhāliyā-mū aa.e

yak martaba ghabrā ke kaho koī ki vo aa.e

huuñ kashmakash-e-naz.a meñ haañ jazb-e-mohabbat

kuchh kah na sakūñ par vo mire pūchhne ko aa.e

hai sā.iqa o sho.ala o sīmāb kā aalam

aanā hī samajh meñ mirī aatā nahīñ go aa.e

zāhir hai ki ghabrā ke na bhāgeñge nakīrain

haañ muñh se magar bāda-e-doshīnā kī bū aa.e

jallād se Darte haiñ na vaa.iz se jhagaḌte

ham samjhe hue haiñ use jis bhes meñ jo aa.e

haañ ahl-e-talab kaun sune tāna-e-nā-yāft

dekhā ki vo miltā nahīñ apne hī ko kho aa.e

apnā nahīñ ye sheva ki ārām se baiTheñ

us dar pe nahīñ baar to ka.abe hī ko ho aa.e

kī ham-nafasoñ ne asar-e-giryā meñ taqrīr

achchhe rahe aap is se magar mujh ko Dubo aa.e

us anjuman-e-nāz kī kyā baat hai 'ġhālib'

ham bhī ga.e vaañ aur tirī taqdīr ko ro aa.e

kahte to ho tum sab ki but-e-ghaaliya-mu aae

yak martaba ghabra ke kaho koi ki wo aae

hun kashmakash-e-naza mein han jazb-e-mohabbat

kuchh kah na sakun par wo mere puchhne ko aae

hai saiqa o shoala o simab ka aalam

aana hi samajh mein meri aata nahin go aae

zahir hai ki ghabra ke na bhagenge nakirain

han munh se magar baada-e-doshina ki bu aae

jallad se Darte hain na waiz se jhagaDte

hum samjhe hue hain use jis bhes mein jo aae

han ahl-e-talab kaun sune tana-e-na-yaft

dekha ki wo milta nahin apne hi ko kho aae

apna nahin ye shewa ki aaram se baiThen

us dar pe nahin bar to kabe hi ko ho aae

ki ham-nafason ne asar-e-girya mein taqrir

achchhe rahe aap is se magar mujh ko Dubo aae

us anjuman-e-naz ki kya baat hai 'ghaalib'

hum bhi gae wan aur teri taqdir ko ro aae