kahun kya fasana-e-gham use kaun manta hai
kahūñ kyā fasāna-e-ġham use kaun māntā hai
jo guzar rahī hai mujh par mirā dil hī jāntā hai
tū sabā kā hai vo jhoñkā jo guzar gayā chaman se
na vo raunaqeñ haiñ baaqī na kahīñ suhāntā hai
use maiñ nasīb jānūñ kī bashar kī ḳhud-farebī
koī bhar rahā hai dāman koī ḳhaak chhāntā hai
tirā yuuñ ḳhayāl aayā mujhe ġham kī dopahar meñ
koī jaise apnā āñchal mire sar pe tāntā hai
maiñ nizām-e-zar kī devī se 'qatīl' āshnā huuñ
kahīñ naam us kā salmā kahīñ chandrkānta hai
kahun kya fasana-e-gham use kaun manta hai
jo guzar rahi hai mujh par mera dil hi jaanta hai
tu saba ka hai wo jhonka jo guzar gaya chaman se
na wo raunaqen hain baqi na kahin suhanta hai
use main nasib jaanun ki bashar ki KHud-farebi
koi bhar raha hai daman koi KHak chhanta hai
tera yun KHayal aaya mujhe gham ki dopahar mein
koi jaise apna aanchal mere sar pe tanta hai
main nizam-e-zar ki dewi se 'qatil' aashna hun
kahin nam us ka salma kahin chandrkanta hai
- Book : Kalam Qateel Shifai (Pg. 233)
- Author : Qateel Shifai
- Publication : Farid Book Depot Pvt. Ltd (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
