kaif-e-hayat tere siwa kuchh nahin raha

kaif-e-hayāt tere sivā kuchh nahīñ rahā

terī qasam hai tujh se judā kuchh nahīñ rahā

vallāh sab ruteñ haiñ pareshāñ tire baġhair

vallāh mausamoñ kā mazā kuchh nahīñ rahā

tūfān sāhiloñ ko uḌāte chale ga.e

kaise kahūñ ki kuchh bhī rahā kuchh nahīñ rahā

afsos mābadoñ meñ ḳhudā bechte haiñ log

ab ma.anī-e-sazā-o-jazā kuchh nahīñ rahā

ham mai-kashoñ pe kufr ke fatve diye ga.e

ahl-e-ḳhudā ko ḳhauf-e-ḳhudā kuchh nahīñ rahā

ham to vafā-parast raheñge tamām umr

maanā ki un ko pās-e-vafā kuchh nahīñ rahā

'kaifī' maiñ kis tarah se vo manzar bayāñ karūñ

maiñ ne jo ro ke un se kahā kuchh nahīñ rahā

kaif-e-hayat tere siwa kuchh nahin raha

teri qasam hai tujh se juda kuchh nahin raha

wallah sab ruten hain pareshan tere baghair

wallah mausamon ka maza kuchh nahin raha

tufan sahilon ko uDate chale gae

kaise kahun ki kuchh bhi raha kuchh nahin raha

afsos mabadon mein KHuda bechte hain log

ab mani-e-saza-o-jaza kuchh nahin raha

hum mai-kashon pe kufr ke fatwe diye gae

ahl-e-KHuda ko KHauf-e-KHuda kuchh nahin raha

hum to wafa-parast rahenge tamam umr

mana ki un ko pas-e-wafa kuchh nahin raha

'kaifi' main kis tarah se wo manzar bayan karun

main ne jo ro ke un se kaha kuchh nahin raha