kai dilon ke liye wajh-e-iztirab hun main

ka.ī diloñ ke liye vajh-e-iztirāb huuñ maiñ

magar tumheñ to suhūlat se dastiyāb huuñ maiñ

sunā.ī dūñgā maiñ tujh ko tirī hī dhaḌkan meñ

kabhī to paḌh mujhe ehsās kī kitāb huuñ maiñ

jise bhī chāhā use ḳhud se baḌh ke chāhā hai

isī liye to mohabbat meñ kāmyāb huuñ maiñ

kiyā hai hijr meñ aḳhtar-shumāriyoñ se gurez

so ratjagoñ ke liye niiñd kā azaab huuñ maiñ

chhupā diyā gayā jis ko hanūt kar ke kahīñ

kisī qadīm tamaddun kā vo shabāb huuñ maiñ

Thaharne detā nahīñ mujh ko paaoñ kā chakkar

so be-qarār bagūloñ ke ham-rikāb huuñ maiñ

ravāñ-davāñ haiñ mire dam se kā.enāt-o-hayāt

nigār-e-mus.haf-e-hastī kā intisāb huuñ maiñ

kai dilon ke liye wajh-e-iztirab hun main

magar tumhein to suhulat se dastiyab hun main

sunai dunga main tujh ko teri hi dhaDkan mein

kabhi to paDh mujhe ehsas ki kitab hun main

jise bhi chaha use KHud se baDh ke chaha hai

isi liye to mohabbat mein kaamyab hun main

kiya hai hijr mein aKHtar-shumariyon se gurez

so ratjagon ke liye nind ka azab hun main

chhupa diya gaya jis ko hanut kar ke kahin

kisi qadim tamaddun ka wo shabab hun main

Thaharne deta nahin mujh ko paon ka chakkar

so be-qarar bagulon ke ham-rikab hun main

rawan-dawan hain mere dam se kaenat-o-hayat

nigar-e-mushaf-e-hasti ka intisab hun main