kai koThe chaDhega wo kai zinon se utrega

ka.ī koThe chaḌhegā vo ka.ī zīnoñ se utregā

badan kī aag le kar shab ga.e phir ghar ko lauTegā

guzartī shab ke hoñToñ par koī be-sāḳhta bosa

phir is ke baad to sūraj baḌī tezī se chamkegā

hamārī bastiyoñ par duur tak umDā huā bādal

havā kā ruḳh agar badlā to sahrāoñ pe barsegā

ġhazab kī dhaar thī ik sā.ebāñ sābit na rah paayā

hameñ ye zom thā bārish meñ apnā sar na bhīgegā

maiñ us mahfil kī raushan sā.atoñ ko chhoḌ kar gum huuñ

ab itnī raat ko darvāza apnā kaun kholegā

mire chāroñ taraf phailī hai harf-o-saut kī duniyā

tumhārā is tarah milnā kahānī ban ke phailegā

purāne log dariyāoñ meñ nekī Daal aate the

hamāre daur kā insān nekī kar ke chīḳhegā

kai koThe chaDhega wo kai zinon se utrega

badan ki aag le kar shab gae phir ghar ko lauTega

guzarti shab ke honTon par koi be-saKHta bosa

phir is ke baad to suraj baDi tezi se chamkega

hamari bastiyon par dur tak umDa hua baadal

hawa ka ruKH agar badla to sahraon pe barsega

ghazab ki dhaar thi ek saeban sabit na rah paya

hamein ye zom tha barish mein apna sar na bhigega

main us mahfil ki raushan saaton ko chhoD kar gum hun

ab itni raat ko darwaza apna kaun kholega

mere chaaron taraf phaili hai harf-o-saut ki duniya

tumhaara is tarah milna kahani ban ke phailega

purane log dariyaon mein neki Dal aate the

hamare daur ka insan neki kar ke chiKHega