kai sawal machalte hain har sawal ke baad

ka.ī savāl machalte haiñ har savāl ke ba.ad

shab-e-visāl se pahle shab-e-visāl ke ba.ad

na jaane kyuuñ ye mirā dil dhaḌakne lagtā hai

tire ḳhayāl se pahle tire ḳhayāl ke ba.ad

har ek daav se vāqif thī ai mire hamdam

maiñ terī chaal se pahle maiñ terī chaal ke ba.ad

na jaane kyuuñ tirī yādeñ tavāf kartī haiñ

kisī malāl se pahle kisī malāl ke ba.ad

tirī qasam tirā chehra hī rū-ba-rū thā mire

tire savāl se pahle tire savāl ke ba.ad

fazā meñ qaus-e-quzah sī bikhar ga.ī har samt

tire jamāl se pahle tire jamāl ke ba.ad

kahāñ thī ek hī hālat mire dil-o-jāñ kī

tire ḳhayāl se pahle tire ḳhayāl ke ba.ad

amīr-e-shahr unheñ yaad kar jo saath rahe

tire zavāl se pahle tire zavāl ke ba.ad

koī hai 'rūmī' musalsal savāl kartā hai

mire savāl se pahle mire savāl ke ba.ad

kai sawal machalte hain har sawal ke baad

shab-e-visal se pahle shab-e-visal ke baad

na jaane kyun ye mera dil dhaDakne lagta hai

tere KHayal se pahle tere KHayal ke baad

har ek daw se waqif thi ai mere hamdam

main teri chaal se pahle main teri chaal ke baad

na jaane kyun teri yaaden tawaf karti hain

kisi malal se pahle kisi malal ke baad

teri qasam tera chehra hi ru-ba-ru tha mere

tere sawal se pahle tere sawal ke baad

faza mein qaus-e-quzah si bikhar gai har samt

tere jamal se pahle tere jamal ke baad

kahan thi ek hi haalat mere dil-o-jaan ki

tere KHayal se pahle tere KHayal ke baad

amir-e-shahr unhen yaad kar jo sath rahe

tere zawal se pahle tere zawal ke baad

koi hai 'rumi' musalsal sawal karta hai

mere sawal se pahle mere sawal ke baad