kaisa ajib aaya hai is sal ka bajaT

kaisā ajiib aayā hai is saal kā bajaT

murġhī kā jo bajaT hai vahī daal kā bajaT

jitnī hai ik clerk kī tanḳhvāh aaj kal

utnā hai begamāt ke ik gaal kā bajaT

sirf ek din meñ biis musāfir hue halāk

hāzir hai sā.īñ gulshan-e-iqbāl kā bajaT

T.v kā ye mazāq adīboñ ke saath hai

shā.er se dugnā rakh diyā qavvāl kā bajaT

bichhḌe the jab ye log mahīna thā june kā

sohnī banā rahī thī mahīñvāl kā bajaT

dāmād ko nikāl ke jab bhī huā hai pesh

sāloñ ne paas kar diyā sasurāl kā bajaT

biktī hai ab kitāb bhī cassette ke rate pe

kaise banegā 'ġhālib' o 'iqbāl' kā bajaT

maañ kah rahī thī rañg lipstick ke dekh kar

chaT kar diyā bahū ne mire laal kā bajaT

donoñ bane haiñ bā.is-e-taklīf āj-kal

'is.hāq'-Dār aur na.e saal kā bajaT

kaisa ajib aaya hai is sal ka bajaT

murghi ka jo bajaT hai wahi dal ka bajaT

jitni hai ek clerk ki tanKHwah aaj kal

utna hai begamat ke ek gal ka bajaT

sirf ek din mein bis musafir hue halak

hazir hai sain gulshan-e-iqbaal ka bajaT

Tw ka ye mazaq adibon ke sath hai

shaer se dugna rakh diya qawwal ka bajaT

bichhDe the jab ye log mahina tha june ka

sohni bana rahi thi mahinwal ka bajaT

damad ko nikal ke jab bhi hua hai pesh

salon ne pas kar diya sasural ka bajaT

bikti hai ab kitab bhi cassette ke rate pe

kaise banega 'ghaalib' o 'iqbaal' ka bajaT

man kah rahi thi rang lipstick ke dekh kar

chaT kar diya bahu ne mere lal ka bajaT

donon bane hain bais-e-taklif aaj-kal

'ishaq'-Dar aur nae sal ka bajaT