kaisa saman kaisi manzil kaisi rah kaisa safar
kaisā sāmāñ kaisī manzil kaisī rah kaisā safar
ham-safar hī jab nahīñ hai kaise phir hogā safar
nafs-e-ammāra se nafs-e-mutma.inna tak kī rah
ātishīñ mausam zamīñ pur-ḳhār aur tanhā safar
hasrat-e-dīdār aisī faisla-kun thī mirī
lamhe bhar meñ ho gayā ik umr sā lambā safar
pahle manzil sāmne thī ab nazar se duur hai
jaane kaise kyā huā kis moḌ par bhaTkā safar
in chaTānoñ meñ kahāñ ye hausla rokeñ mujhe
kartā huuñ 'jāved' maiñ bhī sūrat-e-dariyā safar
kaisa saman kaisi manzil kaisi rah kaisa safar
ham-safar hi jab nahin hai kaise phir hoga safar
nafs-e-ammara se nafs-e-mutmainna tak ki rah
aatishin mausam zamin pur-KHar aur tanha safar
hasrat-e-didar aisi faisla-kun thi meri
lamhe bhar mein ho gaya ek umr sa lamba safar
pahle manzil samne thi ab nazar se dur hai
jaane kaise kya hua kis moD par bhaTka safar
in chaTanon mein kahan ye hausla roken mujhe
karta hun 'jawed' main bhi surat-e-dariya safar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
