kaise rakhenge sar pe kisi ka udhaar hum

kaise rakheñge sar pe kisī kā udhār ham

qarz-e-vafā meñ karte haiñ sar kā shumār ham

afsos isī chaman meñ hue be-viqār ham

jis ko ki chāhte rahe dīvāna-vār ham

alfāz madah-ḳhvāñ the qalam the bike hue

kaise tarāsh lete koī shāh-kār ham

milnā hamārā ḳhaak meñ zaa.e.a na jā.egā

de jā.eñge chaman ko shu.ūr-e-bahār ham

koī sipar bachā na sakegī huzūr ko

talvār se suḳhan kī kareñge jo vaar ham

ai zindagī na ham se chhupā rāz-e-zindagī

har saañs meñ haiñ tere hī ā.īna-dār ham

Dāleñ ab ek aur rivāyat kī dāġh-bel

dushman pe ai 'niyāz' kareñ e'tibār ham

kaise rakhenge sar pe kisi ka udhaar hum

qarz-e-wafa mein karte hain sar ka shumar hum

afsos isi chaman mein hue be-wiqar hum

jis ko ki chahte rahe diwana-war hum

alfaz madah-KHwan the qalam the bike hue

kaise tarash lete koi shah-kar hum

milna hamara KHak mein zaea na jaega

de jaenge chaman ko shuur-e-bahaar hum

koi sipar bacha na sakegi huzur ko

talwar se suKHan ki karenge jo war hum

ai zindagi na hum se chhupa raaz-e-zindagi

har sans mein hain tere hi aaina-dar hum

Dalen ab ek aur riwayat ki dagh-bel

dushman pe ai 'niyaz' karen e'tibar hum