kal shab dil-e-awara ko sine se nikala
kal shab dil-e-āvāra ko siine se nikālā
ye āḳhirī kāfir bhī madīne se nikālā
ye fauj nikaltī thī kahāñ ḳhāna-e-dil se
yādoñ ko nihāyat hī qarīne se nikālā
maiñ ḳhuun bahā kar bhī huā baaġh meñ rusvā
us gul ne magar kaam pasīne se nikālā
Thahre haiñ zar-o-sīm ke haqdār tamāshā.ī
aur mār-e-siyah ham ne dafīne se nikālā
ye soch ke sāhil pe safar ḳhatm na ho jaa.e
bāhar na kabhī paañv safīne se nikālā
kal shab dil-e-awara ko sine se nikala
ye aaKHiri kafir bhi madine se nikala
ye fauj nikalti thi kahan KHana-e-dil se
yaadon ko nihayat hi qarine se nikala
main KHun baha kar bhi hua bagh mein ruswa
us gul ne magar kaam pasine se nikala
Thahre hain zar-o-sim ke haqdar tamashai
aur mar-e-siyah hum ne dafine se nikala
ye soch ke sahil pe safar KHatm na ho jae
bahar na kabhi panw safine se nikala
- Book : kulliyat-e-iqbaal saajid (Pg. 131)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
