kal tak jo mere yar tha baqi nahin raha

kal tak jo mere yaar thā baaqī nahīñ rahā

tujh par jo e'tibār thā baaqī nahīñ rahā

jhaTkā yuuñ us ne haath ki āñkheñ hī khol diiñ

barsoñ kā jo ḳhumār thā baaqī nahīñ rahā

phir yuuñ huā ki donoñ ke raste badal ga.e

donoñ meñ jo qarār thā baaqī nahīñ rahā

ashkoñ kī ik phuvār ne sab kuchh hī dho diyā

dil meñ jo ik ġhubār thā baaqī nahīñ rahā

siine pe kis tabīb ne rakhā hai apnā haath

jo dard be-shumār thā baaqī nahīñ rahā

yaarā tire firāq ne saarā chukā diyā

sangat kā jo udhār thā baaqī nahīñ rahā

us ne 'zakī' yuuñ pyaar se dekhā ki phir mirā

ḳhud par jo iḳhtiyār thā baaqī nahīñ rahā

kal tak jo mere yar tha baqi nahin raha

tujh par jo e'tibar tha baqi nahin raha

jhaTka yun us ne hath ki aankhen hi khol din

barson ka jo KHumar tha baqi nahin raha

phir yun hua ki donon ke raste badal gae

donon mein jo qarar tha baqi nahin raha

ashkon ki ek phuwar ne sab kuchh hi dho diya

dil mein jo ek ghubar tha baqi nahin raha

sine pe kis tabib ne rakha hai apna hath

jo dard be-shumar tha baqi nahin raha

yara tere firaq ne sara chuka diya

sangat ka jo udhaar tha baqi nahin raha

us ne 'zaki' yun pyar se dekha ki phir mera

KHud par jo iKHtiyar tha baqi nahin raha