kaleja rah gaya us waqt phaT kar
kaleja rah gayā us vaqt phaT kar
kahā jab alvidā.a us ne palaT kar
tasallī kis tarah detā use maiñ
maiñ ḳhud hī ro paḌā us se lipaT kar
akelā rah gayā huuñ kārvāñ meñ
kahāñ tak aa ga.ī ta.adād ghaT kar
na koī aks baaqī thā na sūrat
rakhā jo aa.ina maiñ ne ulaT kar
parinda aur uḌnā chāhtā thā
ufuq hī rah gayā ḳhud meñ simaT kar
na bach pā.eñge parbat bandishoñ ke
mohabbat kī nadī niklī hai kaT kar
kaleja rah gaya us waqt phaT kar
kaha jab alwidaa us ne palaT kar
tasalli kis tarah deta use main
main KHud hi ro paDa us se lipaT kar
akela rah gaya hun karwan mein
kahan tak aa gai tadad ghaT kar
na koi aks baqi tha na surat
rakha jo aaina main ne ulaT kar
parinda aur uDna chahta tha
ufuq hi rah gaya KHud mein simaT kar
na bach paenge parbat bandishon ke
mohabbat ki nadi nikli hai kaT kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
