kaliyon ko mere phul mere aashiyan ko

kaliyoñ ko mere phuul mire āshiyān ko

taaḌā hai sā.iqoñ ne mire gulsitān ko

ik ḳhāna-e-ḳhudā tujhe sauñpā thā ai sanam

kartā hai kaun tark phir aise makān ko

tūbā-qadān-e-shahr-e-karachi ne sar-basar

sar par uThā ke rakkhā hai is āsmān ko

pīr-e-falak hai siine meñ patthar tirā ki dil

kal ḳhaak meñ milā diyā kaise javān ko

jannat dikhā dī shaiḳh ko saaqī ne jiite jī

hazrat salām kar ga.e pīr-e-muġhān ko

jhūTī sahī milī hai mohabbat mujhe zarūr

ābād rakhe haq mire in dostān ko

kyā kyā zabānoñ ko liye dāman meñ baiThī hai

yā-rab atā hoñ vus.ateñ urdu zabān ko

kaliyon ko mere phul mere aashiyan ko

taDa hai saiqon ne mere gulsitan ko

ek KHana-e-KHuda tujhe saunpa tha ai sanam

karta hai kaun tark phir aise makan ko

tuba-qadan-e-shahr-e-karachi ne sar-basar

sar par uTha ke rakkha hai is aasman ko

pir-e-falak hai sine mein patthar tera ki dil

kal KHak mein mila diya kaise jawan ko

jannat dikha di shaiKH ko saqi ne jite ji

hazrat salam kar gae pir-e-mughan ko

jhuTi sahi mili hai mohabbat mujhe zarur

aabaad rakhe haq mere in dostan ko

kya kya zabanon ko liye daman mein baiThi hai

ya-rab ata hon wusaten urdu zaban ko