kam-tar ya beshtar gae hum

kam-tar yā beshtar ga.e ham

us dar se ba-chashm-e-nam ga.e ham

ik gul na chunā ham us chaman se

le apnā hī musht-e-par ga.e ham

baize se nikālte hī sar haif

yuuñ qaid-e-qafas meñ paḌ ga.e ham

bin yaar lagā na dil kidhar bhī

jitnā ki idhar udhar ga.e ham

kyā duur se muskurā ke sarkā

kal us kī nazar jo paḌ ga.e ham

duniyā kā va diiñ kā ham ko kyā hosh

mast aa.e va be-ḳhabar ga.e ham

us jān-e-azīz ne na pūchhā

jiite haiñ yā ki mar ga.e ham

kuchh kaam na thā hameñ kisī se

lene dil kī ḳhabar ga.e ham

itnī muddat ke ba.ad 'hasrat'

kal raat jo us ke ghar ga.e ham

kam-tar ya beshtar gae hum

us dar se ba-chashm-e-nam gae hum

ek gul na chuna hum us chaman se

le apna hi musht-e-par gae hum

baize se nikalte hi sar haif

yun qaid-e-qafas mein paD gae hum

bin yar laga na dil kidhar bhi

jitna ki idhar udhar gae hum

kya dur se muskura ke sarka

kal us ki nazar jo paD gae hum

duniya ka wa din ka hum ko kya hosh

mast aae wa be-KHabar gae hum

us jaan-e-aziz ne na puchha

jite hain ya ki mar gae hum

kuchh kaam na tha hamein kisi se

lene dil ki KHabar gae hum

itni muddat ke baad 'hasrat'

kal raat jo us ke ghar gae hum