kamal-e-ishq dikhane pe ab kamar bandho

kamāl-e-ishq dikhāne pe ab kamar bāñdho

na.ī zamīñ hai mazāmīn pur-asar bāñdho

hisār-e-jism se bāhar bhī vus.ateñ haiñ bahut

chaman kī sair karo titliyoñ ke par bāñdho

maza kuchh aur hī aa.egā dil lagāne meñ

vafā kī shāḳh se ummīd ke samar bāñdho

ġhazal ko maan liyā sab ne ābrū-e-suḳhan

shu.ūr-o-fikr ke mauzūa mo'atabar bāñdho

ġhazāl fikr ke āvāra ghūmte haiñ 'sahar'

tum un ko lā ke kisī roz apne ghar bāñdho

kamal-e-ishq dikhane pe ab kamar bandho

nai zamin hai mazamin pur-asar bandho

hisar-e-jism se bahar bhi wusaten hain bahut

chaman ki sair karo titliyon ke par bandho

maza kuchh aur hi aaega dil lagane mein

wafa ki shaKH se ummid ke samar bandho

ghazal ko man liya sab ne aabru-e-suKHan

shuur-o-fikr ke mauzua mo'atabar bandho

ghazal fikr ke aawara ghumte hain 'sahar'

tum un ko la ke kisi roz apne ghar bandho