kamre mein dhuan dard ki pahchan bana tha

kamre meñ dhuāñ dard kī pahchān banā thā

kal raat koī phir mirā mehmān banā thā

bistar meñ chalī aa.eñ machaltī huī kirneñ

āġhosh meñ takiya thā so anjān banā thā

vo maiñ thā mirā saaya thā yā saa.e kā saaya

ā.īna muqābil thā maiñ hairān banā thā

nazroñ se churātā rahā jismoñ kī halāvat

sunte haiñ koī sāhib-e-īmān banā thā

naddī meñ chhupā chāñd thā sāhil pe ḳhamoshī

har rañg lahū-rañg kā zindān banā thā

harfoñ kā banā thā ki ma.ānī kā ḳhazīna

har sher mirā bahs kā unvān banā thā

kamre mein dhuan dard ki pahchan bana tha

kal raat koi phir mera mehman bana tha

bistar mein chali aaen machalti hui kirnen

aaghosh mein takiya tha so anjaan bana tha

wo main tha mera saya tha ya sae ka saya

aaina muqabil tha main hairan bana tha

nazron se churaata raha jismon ki halawat

sunte hain koi sahib-e-iman bana tha

naddi mein chhupa chand tha sahil pe KHamoshi

har rang lahu-rang ka zindan bana tha

harfon ka bana tha ki maani ka KHazina

har sher mera bahs ka unwan bana tha