aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kar bura to bhala nahin hota

Ibn-e-Mufti

kar bura to bhala nahin hota

Ibn-e-Mufti

MORE BYIbn-e-Mufti

    kar burā to bhalā nahīñ hotā

    kar bhalā to burā nahīñ hotā

    ik vahī lāpata nahīñ hotā

    jis ko apnā patā nahīñ hotā

    sab nishāne agar sahīh hote

    tiir koī ḳhatā nahīñ hotā

    kaun āshiq hai kaun hai ma.ashūq

    pyaar meñ faisla nahīñ hotā

    koī aisī jagah dikhlāo

    jis jagah par ḳhudā nahīñ hotā

    kūcha-e-yār jo na jaatā ho

    rāsta rāsta nahīñ hotā

    kāmyābī ke rāstoñ taraf

    biich rāstā nahīñ hotā

    saarī duniyā to ho ga.ī merī

    ik faqat mirā nahīñ hotā

    dil nazar par agar nazar rakhte

    pyaar hādsa nahīñ hotā

    jab talak na ho ḳhayāloñ meñ

    koī sajda ravā nahīñ hotā

    us maḳhmūr aañkh ke aage

    mai-kada mai-kada nahīñ hotā

    koshisheñ ḳhud karnā paḌtī haiñ

    bhiiḌ meñ rāsta nahīñ hotā

    ek arsa huā ki niiñd se bhī

    āmnā-sāmnā nahīñ hotā

    pyaar ho jaa.e kab kahāñ kis se

    ye kisī ko patā nahīñ hotā

    ham ne dekhā hai rū-ba-rū un ke

    ā.īna ā.īna nahīñ hotā

    sadqa ḳhairāt kījiye sāhab

    muskurānā burā nahīñ hotā

    kyā karāmat bhī ab nahīñ hogī

    maanā ab mo.ajaza nahīñ hotā

    haath mushkil meñ chhoḌ jaate ho

    ye to phir thāmnā nahīñ hotā

    pahle nazreñ aTuuT thiiñ aur ab

    haath dil se judā nahīñ hotā

    'muftī' ham bhañvar-nasīb rahe

    varna sāhil pe kyā nahīñ hotā

    kar bura to bhala nahin hota

    kar bhala to bura nahin hota

    ek wahi lapata nahin hota

    jis ko apna pata nahin hota

    sab nishane agar sahih hote

    tir koi KHata nahin hota

    kaun aashiq hai kaun hai mashuq

    pyar mein faisla nahin hota

    koi aisi jagah hi dikhlao

    jis jagah par KHuda nahin hota

    kucha-e-yar jo na jata ho

    rasta rasta nahin hota

    kaamyabi ke raston ki taraf

    bich ka rasta nahin hota

    sari duniya to ho gai meri

    ek faqat tu mera nahin hota

    dil nazar par agar nazar rakhte

    pyar ka hadsa nahin hota

    jab talak tu na ho KHayalon mein

    koi sajda rawa nahin hota

    us ki maKHmur aankh ke aage

    mai-kada mai-kada nahin hota

    koshishen KHud hi karna paDti hain

    bhiD mein rasta nahin hota

    ek arsa hua ki nind se bhi

    aamna-samna nahin hota

    pyar ho jae kab kahan kis se

    ye kisi ko pata nahin hota

    hum ne dekha hai ru-ba-ru un ke

    aaina aaina nahin hota

    sadqa KHairaat kijiye sahab

    muskurana bura nahin hota

    kya karamat bhi ab nahin hogi

    mana ab moajaza nahin hota

    hath mushkil mein chhoD jate ho

    ye to phir thamna nahin hota

    pahle nazren aTuT thin aur ab

    hath dil se juda nahin hota

    'mufti' hum hi bhanwar-nasib rahe

    warna sahil pe kya nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now