kar len samjhauta sabhi aaj ke haalat se ab

kar leñ samjhautā sabhī aaj ke hālāt se ab

sab kī pahchān hai pahchān ke isbāt se ab

hai vajūd us kā jo kāġhaz pe kare sābit ye

ba.az auqāt hai kāġhaz baḌā auqāt se ab

yā to tum baat karo phone pe yā chat karo

sab ko parhez hī rahtā hai mulāqāt se ab

ham bhī bhejeñge emoji tum agar bhejoge

nisbat apnī rahī bas itnī hī jazbāt se ab

phone kī batri na charge ho to mar jaa.eñ

farq paḌtā nahīñ hai aur kisī baat se ab

ai 'navā' siikh jadīd ab to rivāyāt sabhī

tujh ko hāsil nahīñ hai kuchh bhī shikāyāt se ab

kar len samjhauta sabhi aaj ke haalat se ab

sab ki pahchan hai pahchan ke isbaat se ab

hai wajud us ka jo kaghaz pe kare sabit ye

baz auqat hai kaghaz baDa auqat se ab

ya to tum baat karo phone pe ya chat karo

sab ko parhez hi rahta hai mulaqat se ab

hum bhi bhejenge emoji tum agar bhejoge

nisbat apni rahi bas itni hi jazbaat se ab

phone ki batri na charge ho to mar jaen

farq paDta nahin hai aur kisi baat se ab

ai 'nawa' sikh jadid ab to riwayat sabhi

tujh ko hasil nahin hai kuchh bhi shikayat se ab