kar na ruswa dil-e-betab bas ai wae hamein

kar na rusvā dil-e-betāb bas ai vaa.e hameñ

shab ke nāloñ se ḳhajil karte haiñ ham-sā.e hameñ

dosto bahr-e-ḳhatā koī to batlāo ilaaj

ki shab-e-hijr sar-e-shām se niiñd aa.e hameñ

tāziyat-e-nāma-e-uftāda sar-e-rāh meñ ham

ro paḌe dekh ke jo shaḳhs paḌā paa.e hameñ

ḳhūb-rūyoñ ko jahāñ dekhte haiñ ai 'mārūf'

hasrat aatī hai ki aisā na kiyā haa.e hameñ

kar na ruswa dil-e-betab bas ai wae hamein

shab ke nalon se KHajil karte hain ham-sae hamein

dosto bahr-e-KHata koi to batlao ilaj

ki shab-e-hijr sar-e-sham se nind aae hamein

taziyat-e-nama-e-uftada sar-e-rah mein hum

ro paDe dekh ke jo shaKHs paDa pae hamein

KHub-ruyon ko jahan dekhte hain ai 'maruf'

hasrat aati hai ki aisa na kiya hae hamein