karam-navāz kabhī zauq-e-be-panāh meñ aa
nazar meñ aa chukā ab dil kī bārgāh meñ aa
sukūn-e-dil kī talab hai to mashvara hai mirā
to sar jhukā ke aqīdat se ḳhānqāh meñ aa
tirī hai iid to us kī bhī iid ho jaa.e
sar-e-yatīm pe rakh haath eid-gāh meñ aa
haram kā thā tū musāfir kyoñ dair tak pahuñchā
bahut tamāshe hue ab to sīdhī raah meñ aa
mushā.era hai ye mujrā nahīñ hai koī 'nisār'
na mahfiloñ meñ kabhī shauq-e-vāh-vāh meñ aa
karam-nawaz kabhi zauq-e-be-panah mein aa
nazar mein aa chuka ab dil ki bargah mein aa
sukun-e-dil ki talab hai to mashwara hai mera
to sar jhuka ke aqidat se KHanqah mein aa
teri hai id to us ki bhi id ho jae
sar-e-yatim pe rakh hath eid-gah mein aa
haram ka tha tu musafir kyon dair tak pahuncha
bahut tamashe hue ab to sidhi rah mein aa
mushaera hai ye mujra nahin hai koi 'nisar'
na mahfilon mein kabhi shauq-e-wah-wah mein aa
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.