karbalā kā rāsta raushan huā
phir lahū kā ma.arka raushan huā
kaun thā āḳhir vo jis kī zaat se
zindagī kā zāviya raushan huā
jazba-e-īsār-o-qurbānī ke naam
ḳhāk-o-ḳhūñ kā silsila raushan huā
baare tujh pe ai furāt-e-be-karāñ
tishnagī kā martaba raushan huā
munhadim hone lagī dīvār-e-jāñ
jism kā zulmat-kada raushan huā
qadġhaneñ jitnī lagā.īñ vaqt ne
dil-zadoñ kā hausla raushan huā
'nāz' kā āhañg-e-tāza dekhnā
fikr-o-fan kā dā.era raushan huā
karbala ka rasta raushan hua
phir lahu ka marka raushan hua
kaun tha aaKHir wo jis ki zat se
zindagi ka zawiya raushan hua
jazba-e-isar-o-qurbani ke nam
KHak-o-KHun ka silsila raushan hua
bare tujh pe ai furaat-e-be-karan
tishnagi ka martaba raushan hua
munhadim hone lagi diwar-e-jaan
jism ka zulmat-kada raushan hua
qadghanen jitni lagain waqt ne
dil-zadon ka hausla raushan hua
'naz' ka aahang-e-taza dekhna
fikr-o-fan ka daera raushan hua
- Book : Lamhon Ki Sada (Pg. 65)
- Author : Naaz Qadri
- Publication : Maktaba Sadaf, Muzaffarpur (1997)
- Edition : 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
