karenge ahl-e-nazar taza bastiyan aabaad
Interesting Fact
Baal-e-Gibril
kareñge ahl-e-nazar taaza bastiyāñ ābād
mirī nigāh nahīñ sū-e-kūfa-o-baġhdād
ye madrasa ye javāñ ye surūr o ra.anā.ī
inhīñ ke dam se hai mai-ḳhāna-e-farañg ābād
na falsafī se na mullā se hai ġharaz mujh ko
ye dil kī maut vo andesha o nazar kā fasād
faqīh-e-shahr kī tahqīr kyā majāl mirī
magar ye baat ki maiñ DhūñDtā huuñ dil kī kushād
ḳharīd sakte haiñ duniyā meñ ishrat-e-parvez
ḳhudā kī den hai sarmāya-e-ġham-e-farhād
kiye haiñ faash rumūz-e-qalandarī maiñ ne
ki fikr-e-madrasa-o-ḳhānqāh ho āzād
rishī ke fāqoñ se TuuTā na barhaman kā tilism
asā na ho to kalīmī hai kār-e-be-buniyād
karenge ahl-e-nazar taza bastiyan aabaad
meri nigah nahin su-e-kufa-o-baghdad
ye madrasa ye jawan ye surur o ranai
inhin ke dam se hai mai-KHana-e-farang aabaad
na falsafi se na mulla se hai gharaz mujh ko
ye dil ki maut wo andesha o nazar ka fasad
faqih-e-shahr ki tahqir kya majal meri
magar ye baat ki main DhunDta hun dil ki kushad
KHarid sakte hain duniya mein ishrat-e-parwez
KHuda ki den hai sarmaya-e-gham-e-farhad
kiye hain fash rumuz-e-qalandari main ne
ki fikr-e-madrasa-o-KHanqah ho aazad
rishi ke faqon se TuTa na barhaman ka tilism
asa na ho to kalimi hai kar-e-be-buniyaad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
