karta ghairon ke tamir ghar aadmi

kartā ġhairoñ ke tā'mīr ghar aadmī

kar ke fōtpath par ḳhud basar aadmī

is qadar aaj bekār insāñ huā

bhiiḌ meñ aa rahā ab nazar aadmī

ek tūfāñ meñ kitne makāñ Dhah ga.e

mushkiloñ se banā paatā ghar aadmī

'aib ġhairoñ ke hai DhūñDne meñ lagā

apne 'aiboñ se hai be-ḳhabar aadmī

aaj chhoTe baḌoñ kā nahīñ hai adab

apnī tahzīb se be-asar aadmī

mādar-e-hind par jo bhī qurbāñ huā

mar ke bhī ho gayā vo amar aadmī

saa.e meñ jis ke insān zinda rahe

is liye hai lagātā shajar aadmī

karta ghairon ke ta'mir ghar aadmi

kar ke footpath par KHud basar aadmi

is qadar aaj bekar insan hua

bhiD mein aa raha ab nazar aadmi

ek tufan mein kitne makan Dhah gae

mushkilon se bana pata ghar aadmi

'aib ghairon ke hai DhunDne mein laga

apne 'aibon se hai be-KHabar aadmi

aaj chhoTe baDon ka nahin hai adab

apni tahzib se be-asar aadmi

madar-e-hind par jo bhi qurban hua

mar ke bhi ho gaya wo amar aadmi

sae mein jis ke insan zinda rahe

is liye hai lagata shajar aadmi