karte rahen wabasta un se chahe jo afsane log

karte raheñ vābasta un se chāhe jo afsāne log

'ishq meñ rusvā.ī kī parvā karte haiñ kab dīvāne log

kis ko sadā.eñ detā hai tū shahr-e-tamannā meñ ai dil

kaun yahāñ hai terā sāthī sabhī to haiñ begāne log

kis ko sunā.eñ hāl-e-tabāhī kis ko dikhā.eñ zaḳhm-e-jigar

daur-e-sitam hai rahm kahāñ ab zulm ke haiñ dīvāne log

shaiḳh-o-barahman kī bātoñ meñ dair-o-haram ke jhagḌe haiñ

chaal meñ in kī phir kyuuñ aa.eñ ham jaise mastāne log

faiz-e-junūñ se jaag uThā hai aaj muqaddar sahrā kā

phuul khilāte haiñ is meñ bhī dekhiye kuchh dīvāne log

bachte hue sab se aa.e the mahfil-e-zindāñ kī jānib

mil hī ga.e uf ham ko yahāñ bhī kuchh jaane pahchāne log

ahl-e-junūñ ke faiz se kashfī duniyā meñ bedār hī hai

baat pate kī kah dete haiñ aksar ye dīvāne log

karte rahen wabasta un se chahe jo afsane log

'ishq mein ruswai ki parwa karte hain kab diwane log

kis ko sadaen deta hai tu shahr-e-tamanna mein ai dil

kaun yahan hai tera sathi sabhi to hain begane log

kis ko sunaen haal-e-tabahi kis ko dikhaen zaKHm-e-jigar

daur-e-sitam hai rahm kahan ab zulm ke hain diwane log

shaiKH-o-barahman ki baaton mein dair-o-haram ke jhagDe hain

chaal mein in ki phir kyun aaen hum jaise mastane log

faiz-e-junun se jag uTha hai aaj muqaddar sahra ka

phul khilate hain is mein bhi dekhiye kuchh diwane log

bachte hue sab se aae the mahfil-e-zindan ki jaanib

mil hi gae uf hum ko yahan bhi kuchh jaane pahchane log

ahl-e-junun ke faiz se kashfi duniya mein bedar hi hai

baat pate ki kah dete hain aksar ye diwane log