karunga ishq wirasat ka kuchh bataunga nain

karūñgā ishq virāsat kā kuchh batā.ūñgā na.iiñ

maiñ ik ġharīb kī beTī ko āzmā.ūñgā na.iiñ

unheñ kaho ki bahut Dher shor-o-shar na kareñ

maiñ Dar gayā to ka.ī roz muskurā.ūñgā na.iiñ

tasallī dūñgā to mar jā.egī vo laḌkī hai

maiñ jaane dūñgā gale se use lagā.ūñgā na.iiñ

use ḳhabar bhī nahīñ hogī itnā chāhūñgā

use pata bhī nahīñ hogā maiñ batā.ūñgā na.iiñ

ye rāsta baḌī mushkil se tai kiyā maiñ ne

ye fāsla hai diloñ kā ise miTā.ūñgā na.iiñ

tirā mutālba hai terī yaad ke aañsū

maiñ ab ke royā to āñkhoñ ko bhī bachā.ūñgā na.iiñ

aur ab kī sālgirah par plan kyā hai tirā

aur ab kī baar to maiñ sāmne bhī ā.ūñgā na.iiñ

maiñ tujh se aañkh milā kar ġhazal sunā.ūñgā

maiñ ḳhud ko Dūbtā dekhūñgā aur bachā.ūñgā na.iiñ

karunga ishq wirasat ka kuchh bataunga nain

main ek gharib ki beTi ko aazmaunga nain

unhen kaho ki bahut Dher shor-o-shar na karen

main Dar gaya to kai roz muskuraunga nain

tasalli dunga to mar jaegi wo laDki hai

main jaane dunga gale se use lagaunga nain

use KHabar bhi nahin hogi itna chahunga

use pata bhi nahin hoga main bataunga nain

ye rasta baDi mushkil se tai kiya main ne

ye fasla hai dilon ka ise miTaunga nain

tera mutalba hai teri yaad ke aansu

main ab ke roya to aankhon ko bhi bachaunga nain

aur ab ki salgirah par plan kya hai tera

aur ab ki bar to main samne bhi aaunga nain

main tujh se aankh mila kar ghazal sunaunga

main KHud ko Dubta dekhunga aur bachaunga nain