ye kya hai mohabbat mein to aisa nahin hota
ye kyā hai mohabbat meñ to aisā nahīñ hotā
maiñ tujh se judā ho ke bhī tanhā nahīñ hotā
is moḌ se aage bhī koī moḌ hai varna
yuuñ mere liye tū kabhī Thahrā nahīñ hotā
kyuuñ merā muqaddar hai ujāloñ kī siyāhī
kyuuñ raat ke Dhalne pe saverā nahīñ hotā
yā itnī na tabdīl huī hotī ye duniyā
yā maiñ ne ise ḳhvāb meñ dekhā nahīñ hotā
sunte haiñ sabhī ġhaur se āvāz-e-jaras ko
manzil kī taraf koī ravāna nahīñ hotā
dil tark-e-ta.alluq pe bhī āmāda nahīñ hai
aur haq bhī adā is se vafā kā nahīñ hotā
ye kya hai mohabbat mein to aisa nahin hota
main tujh se juda ho ke bhi tanha nahin hota
is moD se aage bhi koi moD hai warna
yun mere liye tu kabhi Thahra nahin hota
kyun mera muqaddar hai ujalon ki siyahi
kyun raat ke Dhalne pe sawera nahin hota
ya itni na tabdil hui hoti ye duniya
ya main ne ise KHwab mein dekha nahin hota
sunte hain sabhi ghaur se aawaz-e-jaras ko
manzil ki taraf koi rawana nahin hota
dil tark-e-talluq pe bhi aamada nahin hai
aur haq bhi ada is se wafa ka nahin hota
- Book : sooraj ko nikalta dekhoon (Pg. 344)
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
