kashti-e-gham ka naKHuda na raha

kashtī-e-ġham kā nāḳhudā na rahā

koī hamdard ham-navā na rahā

jām-o-sāġhar vo mai-kada na rahā

baa'd tere vo silsila na rahā

ho ke merā jo tū mirā na rahā

phir kisī se mujhe gila na rahā

yuuñ gayā ruuTh kar koī mujh se

phir manāne kā hausla na rahā

kyā ḳhizāñ se rakheñ adāvat ham

jab bahāroñ se vāsta na rahā

tujh se Takrā ke ai ġham-e-jānāñ

yaad koī bhī hādisa na rahā

laḌkhaḌātā hai dam jo siine meñ

ye bhī kal tak rahā rahā na rahā

kashti-e-gham ka naKHuda na raha

koi hamdard ham-nawa na raha

jam-o-saghar wo mai-kada na raha

ba'd tere wo silsila na raha

ho ke mera jo tu mera na raha

phir kisi se mujhe gila na raha

yun gaya ruTh kar koi mujh se

phir manane ka hausla na raha

kya KHizan se rakhen adawat hum

jab bahaaron se wasta na raha

tujh se Takra ke ai gham-e-jaanan

yaad koi bhi hadisa na raha

laDkhaData hai dam jo sine mein

ye bhi kal tak raha raha na raha