kaun guman yaqin bana kaun sa ghaw bhar gaya
Interesting Fact
The poem that follows the typical jaun's metric pattern portrays his distinctive outlook.
kaun gumāñ yaqīñ banā kaun sā ghaav bhar gayā
jaise sabhī guzar ga.e 'jaun' bhī kal guzar gayā
us kā charāġh-e-vasl to hijr se rābte meñ thā
vo bhī na jal sakā udhar ye bhī idhar bikhar gayā
ziist kī raunaqeñ tamām us kī talāsh meñ rahīñ
aur vo ġham-nazhād 'jaun' kis ko ḳhabar kidhar gayā
gām-ba-gām ik bahisht aur vo us kī ek hasht
raah meñ bhī rukā nahīñ aur na apne ghar gayā
rasm-e-supurdagī ko kab darḳhur-e'tinā kahā
ḳhud se jo thā gurez-pā sab se gurez kar gayā
us ke suḳhan kā mo.ajiza us kī nahīñ meñ dekhiye
haañ bhī hai mājrā magar 'jaun' kahāñ udhar gayā
us ko thā saḳht iḳhtilāf ziist ke matn se so vo
bar-sar-e-hāshiya rahā aur kamāl kar gayā
us ke ḳhayāl kī numūd ahd-ba-ahd jāvedāñ
bas ye kaho ki 'jaun' hai ye na kaho ki mar gayā
kaun guman yaqin bana kaun sa ghaw bhar gaya
jaise sabhi guzar gae 'jaun' bhi kal guzar gaya
us ka charagh-e-wasl to hijr se rabte mein tha
wo bhi na jal saka udhar ye bhi idhar bikhar gaya
zist ki raunaqen tamam us ki talash mein rahin
aur wo gham-nazhad 'jaun' kis ko KHabar kidhar gaya
gam-ba-gam ek bahisht aur wo us ki ek hasht
rah mein bhi ruka nahin aur na apne ghar gaya
rasm-e-supurdagi ko kab darKHur-e'tina kaha
KHud se jo tha gurez-pa sab se gurez kar gaya
us ke suKHan ka moajiza us ki nahin mein dekhiye
han bhi hai majra magar 'jaun' kahan udhar gaya
us ko tha saKHt iKHtilaf zist ke matn se so wo
bar-sar-e-hashiya raha aur kamal kar gaya
us ke KHayal ki numud ahd-ba-ahd jawedan
bas ye kaho ki 'jaun' hai ye na kaho ki mar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
