kaun hai kis ne pukara hai sada kaise hui
kaun hai kis ne pukārā hai sadā kaise huī
ye kiran tārīki-e-shab se rihā kaise huī
ek ik pal meñ utar kar sochtā rahtā huuñ maiñ
nuur kis kā hai mire ḳhuuñ meñ ziyā kaise huī
ḳhvāhisheñ aa.eñ kahāñ se kyuuñ uchhaltā hai lahū
rut harī kyūñkar huī pāgal havā kaise huī
us ke jaane kā yaqīñ to hai magar uljhan meñ huuñ
phuul ke hāthoñ se ye ḳhush-bū judā kaise huī
vo machā hai ġhul ki barham ho ga.ī haiñ sūrateñ
kaun kis kis se ye pūchhegā ḳhatā kaise huī
jism o jaañ kā fāsla hai hāsil-e-gard-e-safar
justuju-e-zindagī terā patā kaise huī
hañs diyā thā sun ke vo 'sarmad' bas itnā yaad hai
baat us ke sāmne lekin adā kaise huī
kaun hai kis ne pukara hai sada kaise hui
ye kiran tariki-e-shab se riha kaise hui
ek ek pal mein utar kar sochta rahta hun main
nur kis ka hai mere KHun mein ziya kaise hui
KHwahishen aaen kahan se kyun uchhalta hai lahu
rut hari kyunkar hui pagal hawa kaise hui
us ke jaane ka yaqin to hai magar uljhan mein hun
phul ke hathon se ye KHush-bu juda kaise hui
wo macha hai ghul ki barham ho gai hain suraten
kaun kis kis se ye puchhega KHata kaise hui
jism o jaan ka fasla hai hasil-e-gard-e-safar
justuju-e-zindagi tera pata kaise hui
hans diya tha sun ke wo 'sarmad' bas itna yaad hai
baat us ke samne lekin ada kaise hui
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
