کون کہاں تک جا سکتا ہے
کون کہاں تک جا سکتا ہے
یہ تو وقت بتا سکتا ہے
عشق میں وحشت کا اک شعلہ
گھر کو آگ لگا سکتا ہے
جذبوں کی شدت کا سورج
زنجیریں پگھلا سکتا ہے
تیری آمد کا اک جھونکا
اجڑا شہر بسا سکتا ہے
آئینے میں جرأت ہو تو
عکس بھی صورت پا سکتا ہے
آنکھوں میں ٹھہرا اک منظر
راہ میں گرد اڑا سکتا ہے
تجھ کو پیہم سوچنے والا
خواب کو ہاتھ لگا سکتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
