kaun kahta hai ki marna mera achchha na hua

kaun kahtā hai ki marnā mirā achchhā na huā

fikr darmāñ na huī rañj mudāvā na huā

vaah is naale pe aur itnī adū ko nāzish

bazm meñ aur to kyā hashr bhī barpā na huā

sair-e-gulshan se rahe shaad va-lekin afsos

ab ke ma.alūm kuchh ahvāl qafas kā na huā

so ga.e sunte hī sunte vo dil-e-zār kā haal

jab ko ham samjhe the afsūñ vahī afsāna huā

rabt kuchh dāġh-o-jigar kā to hai chaspāñ 'āshiq'

varna is daur meñ koī bhī kisī kā na huā

kaun kahta hai ki marna mera achchha na hua

fikr darman na hui ranj mudawa na hua

wah is nale pe aur itni adu ko nazish

bazm mein aur to kya hashr bhi barpa na hua

sair-e-gulshan se rahe shad wa-lekin afsos

ab ke malum kuchh ahwal qafas ka na hua

so gae sunte hi sunte wo dil-e-zar ka haal

jab ko hum samjhe the afsun wahi afsana hua

rabt kuchh dagh-o-jigar ka to hai chaspan 'ashiq'

warna is daur mein koi bhi kisi ka na hua