kaun kahtā hai Thahar jaanā hai
rañg chaḌhnā hai utar jaanā hai
zindagī se rahī sohbat barsoñ
jaate jaate hī asar jaanā hai
TūTne ko haiñ sadā.eñ merī
ḳhāmushī tujh ko bikhar jaanā hai
ḳhvāb naddī sā guzar jā.egā
dasht āñkhoñ meñ Thahar jaanā hai
koī din ham bhī na yaad ā.eñge
āḳhirash tū bhī bisar jaanā hai
koī dariyā na samundar na sarāb
tishnagī bol kidhar jaanā hai
laġhzisheñ jā.eñgī jaate jaate
nashsha maanā ki utar jaanā hai
naqsha chhoḌā hai havā ne koī
kaun sī samt safar jaanā hai
zindagī se haiñ pashemāñ ham bhī
kal ye da.avā thā ki mar jaanā hai
kaun kahta hai Thahar jaana hai
rang chaDhna hai utar jaana hai
zindagi se rahi sohbat barson
jate jate hi asar jaana hai
TuTne ko hain sadaen meri
KHamushi tujh ko bikhar jaana hai
KHwab naddi sa guzar jaega
dasht aankhon mein Thahar jaana hai
koi din hum bhi na yaad aaenge
aaKHirash tu bhi bisar jaana hai
koi dariya na samundar na sarab
tishnagi bol kidhar jaana hai
laghzishen jaengi jate jate
nashsha mana ki utar jaana hai
naqsha chhoDa hai hawa ne koi
kaun si samt safar jaana hai
zindagi se hain pasheman hum bhi
kal ye dawa tha ki mar jaana hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
