kaun pahchane mujhe shab bhar to KHatron mein raha

kaun pahchāne mujhe shab bhar to ḳhatroñ meñ rahā

vo añdherā huuñ jo din bhar band kamroñ meñ rahā

sab kī nazreñ roz paḌtī thiiñ koī paḌhtā na thā

maiñ to har aḳhbār kī gumnām ḳhabroñ meñ rahā

maiñ ne duniyā chhoḌ dī lekin mirā murda badan

ek uljhan kī tarah qātil kī nazroñ meñ rahā

aaj kā insān chādar oḌh kar ehsās kī

zindagī ke shahr meñ jī kar bhī qabroñ meñ rahā

vaqt ne qatroñ ko samjhā hai samundar kī tarah

jo samundar thā hamesha chand qatroñ meñ rahā

jis ko baḳhshā hai ḳhudā ne fikr kā jazba 'nazīr'

vo purānī aur na.ī saarī hī qadroñ meñ rahā

kaun pahchane mujhe shab bhar to KHatron mein raha

wo andhera hun jo din bhar band kamron mein raha

sab ki nazren roz paDti thin koi paDhta na tha

main to har aKHbar ki gumnam KHabron mein raha

main ne duniya chhoD di lekin mera murda badan

ek uljhan ki tarah qatil ki nazron mein raha

aaj ka insan chadar oDh kar ehsas ki

zindagi ke shahr mein ji kar bhi qabron mein raha

waqt ne qatron ko samjha hai samundar ki tarah

jo samundar tha hamesha chand qatron mein raha

jis ko baKHsha hai KHuda ne fikr ka jazba 'nazir'

wo purani aur nai sari hi qadron mein raha