kaun se shauq kis hawas ka nahin

kaun se shauq kis havas kā nahīñ

dil mirī jaan tere bas kā nahīñ

raah tum kārvāñ kī lo ki mujhe

shauq kuchh naġhma-e-jaras kā nahīñ

haañ mirā vo mo.āmla hai ki ab

kaam yārān-e-nukta-ras kā nahīñ

ham kahāñ se chale haiñ aur kahāñ

koī andāza pesh-o-pas kā nahīñ

ho ga.ī us gale meñ umr tamām

paas sho.ale ko ḳhār-o-ḳhas kā nahīñ

mujh ko ḳhud se judā na hone do

baat ye hai maiñ apne bas kā nahīñ

kyā laḌā.ī bhalā ki ham meñ se

koī bhī saiñkaḌoñ baras kā nahīñ

kaun se shauq kis hawas ka nahin

dil meri jaan tere bas ka nahin

rah tum karwan ki lo ki mujhe

shauq kuchh naghma-e-jaras ka nahin

han mera wo moamla hai ki ab

kaam yaran-e-nukta-ras ka nahin

hum kahan se chale hain aur kahan

koi andaza pesh-o-pas ka nahin

ho gai us gale mein umr tamam

pas shoale ko KHar-o-KHas ka nahin

mujh ko KHud se juda na hone do

baat ye hai main apne bas ka nahin

kya laDai bhala ki hum mein se

koi bhi sainkaDon baras ka nahin