kha ke tegh-e-nigah-e-yar dil-e-zar gira

khā ke teġh-e-nigah-e-yār dil-e-zār girā

mardum-e-dīd pukāre ki vo sardār girā

vā.e-rusvā.ī-e-dil aam huī ishq kī bū

shīsha-e-mushk baġhal se sar-e-bāzār girā

na uThā ḳhāk-e-muzillat se kabhī misl-e-sarishk

jo nazar se tire ai shoḳh-e-jafā-kār girā

qadam andāze se bāhar na kabhī rakh ai dil

jo chalā dauḌ ke āḳhir dam-e-raftār girā

nā-tavānī ne batāyā hai namāzī mujh ko

maiñ ka.ī baar uThā aur ka.ī baar girā

ishva o ġhamza o andāz o adā haiñ qātil

kishvar-e-dil pe mire lashkar-e-jarrār girā

kha ke tegh-e-nigah-e-yar dil-e-zar gira

mardum-e-did pukare ki wo sardar gira

wae-ruswai-e-dil aam hui ishq ki bu

shisha-e-mushk baghal se sar-e-bazar gira

na uTha KHak-e-muzillat se kabhi misl-e-sarishk

jo nazar se tere ai shoKH-e-jafa-kar gira

qadam andaze se bahar na kabhi rakh ai dil

jo chala dauD ke aaKHir dam-e-raftar gira

na-tawani ne bataya hai namazi mujh ko

main kai bar uTha aur kai bar gira

ishwa o ghamza o andaz o ada hain qatil

kishwar-e-dil pe mere lashkar-e-jarrar gira