KHak hoti hui hasti se uTha

ḳhaak hotī huī hastī se uThā

ishq kā bojh bhī miTTī se uThā

hijr thā bār-e-amānat kī tarah

so ye ġham āḳhirī hichkī se uThā

lau tire ba.ad baḌhī ashkoñ kī

sho.ala-e-ishq bhī paanī se uThā

dil ne ābād kiyā ishq-ābād

ḳhaak ho kar usī bastī se uThā

dil usī dard kī zulfoñ kā asiir

haa.e vo dard jo paslī se uThā

yā mujhe qaid-e-anāsir se nikāl

yā mirī ḳhaak ko pastī se uThā

āḳhirī vaqt meñ har rañj kā bojh

ḳham-shuda riiḌh kī haDDī se uThā

is se pahle ki mirā naam aa jaa.e

mujhe is Doltī kashtī se uThā

KHak hoti hui hasti se uTha

ishq ka bojh bhi miTTi se uTha

hijr tha bar-e-amanat ki tarah

so ye gham aaKHiri hichki se uTha

lau tere baad baDhi ashkon ki

shoala-e-ishq bhi pani se uTha

dil ne aabaad kiya ishq-abaad

KHak ho kar usi basti se uTha

dil usi dard ki zulfon ka asir

hae wo dard jo pasli se uTha

ya mujhe qaid-e-anasir se nikal

ya meri KHak ko pasti se uTha

aaKHiri waqt mein har ranj ka bojh

KHam-shuda riDh ki haDDi se uTha

is se pahle ki mera nam aa jae

mujhe is Dolti kashti se uTha